مواقف محرجه من صاحب الموقف شخصيا----

>>>>هلاااااا
>>>>
>>>>هذه مواقف حطيتها لكم علشان تستانسوا
>>>>
>>>>
>>>>
>>>>بسرعة
>>>>موقف ما راح انساه كنت داخل مسجد وقت المغرب ومتأخر والامام يقرا في
>>>>سورة بعد ما خلص من الفاتحة وكان الميكرفون متعطل المهم دخلت متحمس
>>>>وبالحق على الصلاة معهم الا وعلى دخلتي اسمع الامام يقول (ضالين )
>>>>وانا على دخلتي كبرت وقلت آمين .. الا واللي في الصف الاخير ماتوا
>>>>من الضحك وقطعوا صلاتهم .. وانا احسب الامام في الفاتحه وهو يقرا
>>>>سورة ثانية .. وسكت الامام شوي وكأن وده يضحك .. واناما علي قاصر
>>>>ضحكت معهم المضحك اني كنت متحمس
>>>>
>>>>
>>>>
>>>>
>>>>كله من الثلج
>>>>تقول كنا في مكة ايام الحج وكانت خيمتنا في مكان مرتفع بعيد عن
>>>>سيـارات الماء .. ذهب أخوي يجيب ( ثلـج) وجاب قطعة كبيرة شايلها فوق
>>>>كتفه ثم جت ثنتين من خواتي الصغـار بيساعدونه على إنزال الثلج وكان
>>>>حريص .. بحيث انه لف قطعة الثلج بإحرامه اللي على كتفه حتى ماتثـلـج
>>>>( تبرد) يدين خواتي المهم خواتي سحبوا إحرامه ( السفلي ) بدلا من
>>>>اللي فوق اللي فيه الثلج .. وبسرعة ... طاح الإحرام وطاح الثلج ..
>>>>وطاحوا أخواتي من الضحك
>>>>
>>>>
>>>>
>>>>
>>>>عسى ما نست ‍!!
>>>>مرة زوجتي غيرت الثوب ونقلت أغراضي من الثوب الأول إلى الثوب الجديد
>>>>.. رحت أصلي الفجر وركبت السيارة وشغلتها وأنا أسوق تذكرت وقلت :
>>>>عسى ما نست تحط المفاتيح في جيب الثوب ( والمفاتيح كلها بميدالية
>>>>وحده طبعاً ) !! وأفتش جيوبي والله المشكلة مافيها مفاتيح .. وشلون
>>>>إذا رجعت افتح الباب !! وانا محتار و أفكر يوم جيت ارجع إلى البيت
>>>>وأطالع .. وألقى المفاتيح قدامي مشغل بها السيارة ..( والله الذكاء
>>>>)
>>>>
>>>>
>>>>
>>>>
>>>>معرس بألف شوكة وشوكة
>>>>واحد تزوج على زوجته ( ومن الحرة اللي فيها )... جت في ليلة عرسه
>>>>خذت ثيابه اللي بيلبسها
>>>>ومسحت عليها قشر" برشوم " والبرشوم فاكهة لها اشواك رهيبة وماتنشاف
>>>>
>>>>
>>>>
>>>>
>>>>الشغالـة
>>>>اتصلوا علينا المطار قالوا ترى شغالتكم وصلت .. وعلى شان نفتك من
>>>>تفويض استلام رحت بنفسي أخذ الشغالة ... المهم وصلت المطار وخذت
>>>>الشغالة بطبيعة الحال معها شنطه فيها ملابسها .. استلمت الشغاله
>>>>وطلعنا للسيارة فتحت شنطة السيارة على شان تحط شنطتها .. تفاجأت ...
>>>>أن الشغاله مدت رجلها بتركب في الشنطه قدام العالم .. وانا ما مسكت
>>>>نفسي ما قلت لها لا قعدت اضحك وما مسكت نفسي وقمت أشر لها على شان
>>>>تنزل والعالم تضحك .. المهم في الاخير نزلت من الشنطه .. بس بعد ما
>>>>كل الموجودين جاهم مسيل الدمووع من الضحك
>>>>
>>>>
>>>>
>>>>
>>>>كله من الثلج
>>>>
>>>>وش اللي صار
>>>>فيه وحده من القديم تستحي مرة مرة .. ولما تزوجت كانت تستحي حتى
>>>>تتكلم مع زوجها .. وكانوا الحريم يلومونها على هالحياء الزايد
>>>>ويقولون لها لازم تحكين مع زوجك و تمزحين معه تدفينه بيدك مثلاً ..
>>>>وصممت هالمرأة على كسر هالحاجز من الحياء الزايد ... ومرة من المرات
>>>>هي وزوجها بالسطح يوم جاء الزوج بينزل مع الدرج ألا وهي تسرع وتدفه
>>>>( تدفعه ) وهي تبسم .. تدحرج المسكين وترن ترن مع هالدرج الى ان وصل
>>>>آخر درجة وهو بعد ما استوعب وش اللي صــــــار …
>>>>
>>>>
>>>>
>>>>
>>>>مطر مفاجئ
>>>>وحده يوم عرسها بعد ما خلصت من التجميل والتسريحة .. يوم جت تطلع
>>>>على الحريم والرزة على المنصة .. شافت بعض ( الحمرة ) في يدها دخلت
>>>>تغسل يدها وفتحت الحنفية .. ومـادرت الا والدش يصب على راسها !!
>>>>
>>>>
>>>>
>>>>
>>>>تحريك جو
>>>>فيه وحده تقول في اول ايام زواجي طلب مني زوجي ان افتح له علبة
>>>>بيبسي .. وبغيت احرك الجو بشي من الفرفشة .. قمت وفتحت العلبة قدام
>>>>وجهه و… يا للهول طاااااااش البيبسي على وجه وملابسه والجدار ..
>>>>وانا مع خوفي جتني حاله هستيرية من الضحك وانا اشوف هالموقف ..
>>>>
>>>>
>>>>
>>>>
>>>>تطبيق واقعي
>>>>وفيه وحده بعد تقول في الاسبوع الاول من زواجي حلمت اني العب مع
>>>>اخواني وقام اخوي الصغير واخذ شي من اغراضي وقمت الحقه حتى مسكته
>>>>وقمت اضربه واصفقه .. يوم توقظت لقيت اني اضرب زوجي !!
>>>>
>>>>
>>>>
>>>>
>>>>سبب واحد
>>>>وحده تقول قبل المغرب كانت امي تامرنا بفتح الشبابيك حتى يطلع
>>>>الذباب برا … ومرة من الايام سالت المعلمة : لماذا نفتح النوافذ في
>>>>منازلنا ؟ ورفعت اختي الصغيرة يدها ، وقالت وهي متحمسة : علشان نطرد
>>>>الذباب يا استاذه !!!
>>>>
>>>>
>>>>
>>>>
>>>>الحمد لله انتهت
>>>>تقول كانت اختي جالسة عند التلفزيون أثناء استعراض برامج الغد وجاء
>>>>في العرض ( ثم نقدم لكم نشرة الاخبار المصورة الثالثة والاخيرة )
>>>>فرحت أختي مرررة .. وراحت لأمي : يمه يمه الحمد لله خلصنا من
>>>>الاخبار بكرة الحلقة الاخيرة …
>>>>
>>>>
>>>>
>>>>
>>>>الدش
>>>>واحد من الاطفال سمع كثير عن الدش ومخاطرة .. وانه فاسد وحرام ..
>>>>وكان عند احد معارفهم ( دش ) وهالطفل ما يعرف وش هو بالضبط .. فقال
>>>>: ال فلان عندهم دش اللي يغسل منه يصير كافر ..
>>>>
>>>>
>>>>
>>>>
>>>>المديرة
>>>>تقول احد المدرسات ان طالبة في الاول الابتدائي كانت بنتا للفراشة
>>>>اللي في المدرسة … ولدت ام هالبنت وكانت بعض المدرسات مجتمعين عند
>>>>مديرة المدرسة ( هدى ) .. نادوا البنت و سألوها عن حال امها ؟ وش
>>>>جابت ؟ قالت هالبنت جابت امي بنت وتقول امي بنسميها ( المديرة ) ..
>>>>وكانت تقصد بنسميها هدى !!!
>>>>
>>>>
>>>>
>>>>
>>>>براءة
>>>>تقول رن هاتف المنزل وردت اختي الصغيرة .. وسالتها المتصلة : وين
>>>>الوالدة ؟ قالت اختي وببراءة : ماعند احد والد اليوم…
>>>>
>>>>
>>>>
>>>>
>>>>خطـوبة
>>>>خطب احد الأشخاص أخت صديقــه وأراد من صديقه أن يمكنه من رؤيتها -
>>>>دون أن تشعر الفتاة - وقام الأخ وضبط الموقف حيث اشترى بعض الأغراض
>>>>وأدخل السيارة في الفناء الداخلي للمنزل ونادى أخــته لحمل الأغراض
>>>>من السيارة - والخاطب يبصبص من شباك المجلس - وجاءت البنت وحملت
>>>>كرتون البيبسي وقامت تركض و تدوربالكرتون و( تفحط ) كأنها تقود
>>>>سيارة !!!!!! ولم تعلم البنت الأ في ليلة الزواج حين اخبرها الزوج
>>>>فما كان منها الا ان بكت من شدة الخجل ...
>>>>
>>>>
>>>>
>>>>
>>>>كرم × كرم
>>>>تقول عزمنا أقاربنا في الشرقية ومن باب الكرم حطوا في العشاء طبقا
>>>>من الاطباق ( عبارة عن روبيان طازج مشوي غير مقشر ) شاف ولدي الصغير
>>>>هالطبق وقال : يمه _ ووووع _ حاطين في العشاء صوارير .
>>>>
>>>>
>>>>
>>>>
>>>>مع زود الفرحة
>>>>تقول شرح لي أخوي مادة القواعد حتى فهمتها .. وفي الامتحان جاوبت
>>>>تمام التمام … وطلعت مسرعة من المدرسة لسيارة أخوي ركبت المرتبة
>>>>اللي وراء وطقيت كتفه وقلت مشكور يأخيي جاوبت زين بالامتحان .. رد
>>>>علي بهدؤ وقال : أنا آسف ماني أخوك غلطانه في السيارة .
>>>>
>>>>
>>>>
>>>>
>>>>على رجليني
>>>>يوم كنا في الصف الأول الإبتدائي دخلت علينا المدّرسة وقالت : اللي
>>>>تجي للمدرسة على رجلينها توقف .. ( انا مافهمت وش تقصد ) وقفت مع
>>>>الواقفات فقالت لي المدرّسة : انت تجين على رجلينك .. قلت : ايه
>>>>الحمدلله ماني معـوقــة … قالت يعني تجين للمدرسة بالسيارة قلت :
>>>>نعم .. فقالت : اجلسي يالذكية .. وجلست وسط ضحكات الطالبات .
>>>>
>>>>
>>>>
>>>>
>>>>توني شاربة
>>>>مرة جلست جنب عجوز كبيرة وأعطتني ميراندا .. وقالت : خذي افتحيه ،
>>>>قلت : شكرا شكرا توني شاربه
>>>>قالت : خذي افتحيه لي أنا !! وقتها ضاع وجهي وقلت : الحمد لله أني
>>>>ما فتحته وشربته .
>>>>
>>>>
>>>>
>>>>
>>>>نعم الهدية
>>>>في زواج أحد قريباتي أخذت لها هدية عبارة عن خاتم … سلمت عليها
>>>>وباركت لها وعطيتها الهدية ..
>>>>وبعد ساعة احتجت للشنطة وفتحتها ولقيت علبة ثانية للخاتم بدا قلبي
>>>>يخفق فتحت العلبة وإذا الخاتم فيها .. مصيبة أعطيت العروس علبة
>>>>فارغة !!!
>>>>
>>>>
>>>>
>>>>
>>>>بدون تعليق
>>>>دخل أحد أقاربي بيته ولقى زوجته متلحفه في الصالون .. وبغى أن يمزح
>>>>عليها قرب من عندها وسحب اللحاف بقوة .. ولكن وياللهول طلعت الشغالة
>>>>!!
>>>>
>>>>
>>>>
>>>>
>>>>مستعجل
>>>>
>>>>
>>>>كان اخوي جالس في مكتب المدير .. اتصل واحد ( يبغى المدير ) رد عليه
>>>>أخوي وقال له : المدير في دورة المياة .. فقال المتصل : كم التحويلة
>>>>!!
>>>>
>>>>
>>>>
>>>>وين أحط المفتاح
>>>>كان صديقي الملقب - عزيو - لأنهم ينادونه كثير من كثر هواجيسه
>>>>واختصروا اسمه وكان عزيو
>>>>رايح للدمام وغلبه النعاس على الطريق وقرر النوم وقف السيارة على
>>>>جانب الطريق واستعد للنوم
>>>>ولكن خاف على السيارة يجي واحد وهو نايم ويا خذ المفتاح وهو ثقيل
>>>>نوم مو داري عنه جلس يفكر
>>>>وين يودي المفتاح قال بس لقيتها فتح درج السيارة وحط المفتاح داخل
>>>>الدرج وقفل باب السيارة لما
>>>>صحا الصبح قال بيفتح السيارة ويتذكر انه حاط المفتاح في الدرج !!!!
>>>>ما لها الا حل واحد
>>>>ابو الشباب كسر الزجاج الجانبي وكمل طريقة
>>>>
>>>>
>>>>
>>>>
>>>>
>>>>من شب على شيء
>>>>فتاة قد تعودت هي وأخوتها إذا مـر أحدهم بجانب الثاني مـد رجله
>>>>ليسقطه على الأرض ،،، فلما تزوجت وفي -الأسبوع الأول - من الزواج
>>>>وحين نهض الزوج من وجبة الغداء لغسل يديه مــدت الفتاة رجلها -
>>>>كالعادة - فسقط الزوج وكسرت ذراعــه واما الفتاة من شدة خجلـها من
>>>>الموقف ذهبت لأهلهـا !!!!!
>>>>
>>>>
>>>>
>>>>
>>>>طفولة نفسية
>>>>تقول : عندما بدأت التدريس ، وفي الأسبوع الأول واجهت صعوبة في
>>>>تغيير شخصيتي من المرح والفكاهة إلى الجدية والصرامة ، ومن ذلك أنني
>>>>رأيت أحد أطفال الروضة ، فدنوت منه لأداعبه فهرب أمامي ، فما كان
>>>>مني الا أن جريت خلفه وأخذت أطارده بكل ما أملك من قوة حتى أمسكت به
>>>>أخيراً ثم حملته وأخذت أدور به كالمروحة ….. وحين التفت خلفي وجدت
>>>>طابور من طالبات الابتدائي والمتوسط ينظرن إليّ بدهشة ! لملمت شعري
>>>>المتطاير ….وجمعت كتبي المتناثرة .. وانسحبت بهـــدوء !!!
>>>>
>>>>
>>>>
>>>>
>>>>الإيرباص
>>>>إحدى النساء ركبت الطائرة لأول مرة ، وكان مقعدها بجانب النافذة ،
>>>>وبعد فترة طويلة من الركوب ، سألت زوجها : متى ستقلع الطائرة ؟
>>>>فأجاب متعجباً : لقد أقلعنا منذ نصف ساعة !! فأشارت إلى النافذة
>>>>وقالت : كيف اقلعنا ؟! أنظر إلى الرصيف الذي بجانبي ! لقد كانت تشير
>>>>إلى الجناح
>>>>
>>>>
>>>>
>>>>
>>>>الصدق زمان
>>>>تقول فتاة عن جدتها عندما سافرت بالطائرة لأول مرة ، حيث جاءت
>>>>المضيفة وقدمت لها الطعام ، فما كان منها إلا أن قالت : والله لو
>>>>أدري أني أبكلف عليكم ماجيت !!!
>>>>
>>>>
>>>>
>>>>
>>>>تضـامن شديد


تحياتي أبو ملاك